Chegan a Lugo desde Letonia os beneficiarios do convenio de colaboración entre a Universidade de Valmiera e a Deputación de Lugo

Desde o 1 de xuño están xa na capital de Lugo os 17 estudantes que traballarán en distintos establecementos de hostalería da capital, grazas a un convenio asinado entre as dúas entidades e coordinado pola asociación galega Interruris. Este proxecto concibido por Rural Cosulting, permitirá que os estudantes teñan a súa primeira experiencia de traballo no estraxeiro  e que os hosteleiros dispoñan dunha man de obra cualificada extra, nos meses do verán. Esta previsto que os estudantes realicen tamén un programa educativo e turístico paralelo que será a continuación do xa iniciado hai tres meses en Letonia,  coas clases de galego antes de vir a Galiza.